वीर झारा

 चिंतन ©️

वीर झारा...!

================================

वीर झारा हा एकमेव असा हिंदी चित्रपट होता,ज्यातील अतिशय कर्णमधुर गाणी ज्यांना संगीत दिले होते स्व. मदन मोहन यांनी. आणि स्व.मदन मोहन यांच्या मृत्यूनंतर कित्येक वर्षांनी महान दिग्दर्शक यश चोप्रा यांनी त्या सुमधुर बंदिशी त्यांचे हक्क विकत घेऊन आपल्या वीर झारा या चित्रपटात इ.स्.२००४ सारी उपयोगात आणल्या होत्या. थोडक्यात एखाद्या संगीतकाराच्या मृत्यूनंतर त्याच्या संगीताला एखाद्या चित्रपटात उपयोगात आणण्याचे हे दुर्मिळ उदाहरण..!

या चित्रपटात खूपच भावूक प्रेमकथा चित्रित केली होती.ज्यात नायक ,भारतीय असतो अन् नायिका पाकिस्तानी..! नायक ,नायिकेला भेटायला पाकिस्तान मध्ये जातो पण गुप्तहेर म्हणून त्याला अटक होते.त्याची प्रेयसी त्याला भेटण्याचा आटोकाट प्रयत्न करते,पण भेट होत नाही.अखेर पाकिस्तान मधील एक महिला वकील राणी मुखर्जी त्यांची केस न्यायालयात लढते अन् त्यांच्या बाजूने निकाल लागतो.पण तो पर्यंत नायक अन् नायिका खूप वृध्द झालेले असतात.

निस्सीम प्रेमाची आसक्ती अन् स्वच्छ ओढ असते त्यामुळे ते प्रेमीयुगलांचे मिलन होते ते त्यांच्या म्हातारपणी..!

थोडक्यात खरे अन् स्वच्छ प्रेम वय अन् सौदर्य पाहत नाही तर ते पाहते फक्त स्वच्छ भावना अन् त्यातील पावित्र्य..!

खूपच सुंदर कथा तेवढ्याच भावुकतेने चित्रित केली आहे.वास्तविक मला शाहरुख खान एक नट म्हणून आवडत नाही पण कथेच्या प्रेमामध्ये तो खूप आवडला होता.नायिका म्हणून प्रीती झिंटा हिने लाजवाब काम केले आहे.

या चित्रपटाचे दिग्दर्शक होते,यश चोप्रा..! ज्यांनी अतिशय साध्या ,सोप्या प्रेमकथा आपल्या चित्रपटात अतिशय सुरेख,भावूकतेने अन् प्रेमाच्या उत्कटतेने सादर केल्या. आज ती नजाकत कोणत्याही दिग्दर्शकाला जमत नाही. यश चोप्रा मध्ये नाजाकत होती याचं एकच उदाहरण पुरेसे आहे अन् ते म्हणजे अमिताभ बच्चन, जया भादुरी आणि लावण्यवती रेखा या त्रिकुटाला प्रत्यक्ष सिलसिला या चित्रपटात एकत्र आणलं..! कलाक्षेत्रातील ऑफलाईनआयुष्याला ऑनलाईन एकत्र आणणं वाटतं तितकं सोपं नाही. ती किमया फक्त आणि फक्त यश चोप्रा हेच करू शकले.

तत्कालीन काळातील ऐकीवात असलेल्या खऱ्या अर्थानं भावविश्वात गुंतलेल्या खऱ्या पात्रांना त्याच खऱ्या प्रेमकथेत गुंफून सादर करण्याचे कसब जमले ते यश चोप्रा यांनाच, सिलसिला या सदाबहार हिंदी चित्रपटात..!☺

ता.क. - वीर झारा चित्रपटातील माझ्या आवडत्या गाण्याची व्हिडीओ लिंक - https://youtu.be/Q9GdOXtbr44

या चित्रपटातील अजुन इतर सुमधुर गाणी कुणाला ऐकायची अन् बघायची असेल तर यू ट्यूब वर फुकट मध्ये उपलब्ध आहे 

वंदे मातरम्..!

एक तरल रसिक : नंदन शोभाबाई विष्णुपंत जाधव.

https://jadhavnandan.blogspot.com/?m=1

दिनांक: २४/१०/२०२२, सोमवार. शुभ दीपावली..!🪔