आई व तिचे मातृत्व..!

चिंतन ©️

 

" आई अन् तिचे मातृत्व..! "

___________________________________________

समोर असलेल्या दोघांपैकी कुणाला वंदन करू असा प्रश्न ज्यावेळी पडतो..त्यावेळी..त्या दोन्ही संजीवन कलाकृती विधात्याने नक्कीच निवांतपणे बनविलेल्या असतात.

विधात्याची ती एक सर्वांगसुंदर कलाकृती असते, येणाऱ्या पिढीला पथदर्शक होण्यासाठी..!

आपण भारतीय या बाबतीत खूपच नशीबवान आहोत, अशा अनेक सर्वांगसुंदर सजीव कलाकृती प्रत्येक पिढीत..प्रत्येक पिढीने याची देही याचि डोळा पहिल्या आहेत.

खूप नशीबवान असतात असे डोळे..जे हे पाहू शकतात.आणि खूप दुर्दैवी डोळे असतात असे..जे असे सर्वांगसुंदर संजीवन रूप समोर असूनही पाहू शकत नाही.अशा या सुंदर कलाकृती या मानवतेला समर्पित असतात.

आई...! कुणाचीही असो ती त्या विधात्याची या भूतलावरील त्याचा अंश असते..!ही तीच आई असते...जी..आपल्या सर्व ईश्वरीय भावना आपल्या तान्हुल्यात शोधत असते. तिच्यापुढे स्वर्गातील सर्व सुखं थिटे पडते..जेंव्हा तिचे लेकरू तिच्या कुशीत असते.

माझ्या वाचण्यात असं आले आहे की, एकदा नट,निर्माता,दिग्दर्शक राजकपूर यांना पत्रकारांनी प्रश्न विचारला की,जगातील सर्वात सुंदर दृश्य कोणते..?

राजकपूर क्षणाचाही वेळ न दवडता उद्गारले...

" ज्यावेळी एक आई, आपल्या तान्हुल्याला आपल्या मांडीवर घेऊन साडीच्या पडद्याआड घेऊन स्तनपान करते..ते सर्वात सुंदर...व पवित्र दृश्य असते..!"

खरचं किती सहजपणे राजकपूर साहेब यांनी आई व तिचे मातृत्व जगासमोर मांडले. विशेष म्हणजे स्व.राजकपूर साहेब यांनी त्यांच्या " राम तेरी गंगा मैली हो गई " या सुंदर, सामाजिक चित्रपटात अशीच आई, जी आपल्या लेकराला मांडीवर घेऊन साडीच्या पडद्याआड स्तनपान करतांना दाखवली आहे. यापेक्षा दुसरे सुंदर ,पवित्र दृश्य असूच शकत नाही. 

याच दृष्यातून अनेक महामानव विधात्याच्या आसनाला... आसन मांडून कधीचेच जाऊन बसले आहेत. खूप भाग्यवान होती ती सर्व महामानवे. ज्यांना आईचे असे प्रेमळ मातृत्व मिळाले.

" स्वराज्य काय असते.. हे ज्या मराठी माणसाला साधे माहीत देखील नव्हते. ते माहीत झाले..केवळ याच मातृत्वाकडून..! "

" सर्वसामान्यांच्या व्यथा काय असतात,त्यांना कसे संवैधानीक संरक्षण द्यायचे याची जाणीव झाली त्या महामानवाला याच मातृत्वाकडून..! "

" सुशासन कसे असावे याचा सुंदर असा पाठ प्रस्तुत केला तो याच मातृत्वाच्या कुशीत शिकून..! "

" शिक्षणासाठी मोह माया दूर करून आपल्या लेकराला दूर केले ते याच मातृत्वाने..! "

" स्वावलंबी जीवन कसे जगावे..आजही नव्वदीच्या पुढे असूनही तो जिवंत पाठ आजही प्रस्तुत करत आहे हेच मातृत्व, अन् त्याच मातृत्वाचा अंश आज सर्वोत्कृष्ट सार्वजनिक आयुष्याचा सर्वोत्कृष्ट पाठ आपल्या समोर प्रस्तुत करत आहे..! "

असे कितीतरी शृंगारिक शब्द अपुरे पडतील..अशा या गोंडस लेकरांपुढे व त्यांच्या महान मातृत्वापुढे..!

माझे त्रिवार वंदन त्या सर्व मातृत्वाला व त्यांच्या सर्व लेकरांना..!🙏🏻🙏🏻🙏🏻

वंदे मातरम्..!

प्रत्येकाच्या आईवर प्रेम करणारा लेखक: नंदन शोभाबाई विष्णूपंत जाधव.©️

https://jadhavnandan.blogspot.com/?m=1

(© सदरील लेख कॉपीराइट केलेला असून लेखाचे संपूर्ण हक्क लेखकाकडे आहेत.)

फोटो स्रोत - गुगल.

दिनांक: ३१ ऑगस्ट २०१८