" जाणीव असलेला.. प्रिय मित्र,नंदलाल रामलाल सलामपुरे...! "

मला प्रवासात भेटलेली माणसं..!

" जाणीव असलेला..
प्रिय मित्र,नंदलाल रामलाल सलामपुरे...! "

=====================================

काही माणसं,वयानं तरुण किंवा प्रौढ असतात पण,त्यांच्या वागण्यात कमालीचा पोक्तपणा सतत जाणवत असतो.कदाचित अशा तरुण किंवा प्रौढ माणसांच्या आयुष्यात " जबाबदारी " लवकर आल्यामुळे त्यांच्यातील तरुणाला किंवा प्रौढाला तीच जबाबदारी पोक्त बनवते..!

मला माझ्या शिक्षक पदाच्या आयुष्यातील प्रवासात असाच एक प्रवासी भेटला,त्यांचे नाव आहे प्रिय नंदलाल रामलाल सलामपूरे सर..!

शांत ,संयमी , मध्यम प्रकारचा मितभाषी स्वभाव..!मी जो पर्यंत सरांच्या सोबत एकलहेरा ता.गंगापूर येथे सह अध्यापक म्हणून नोकरी करत होतो,तो पर्यंत प्रिय सलामपुरे सर बऱ्याचदा एकांतात ,त्यातील स्वतला शोधणाऱ्या अंतर्मनाला शोधत असायचे..! त्यांचा हाच गुण मला खूप भावला..! माझ्या वैयक्तिक अंतर्मनाला खूप जवळचा जाणवणारा,मी स्वतः अनुभवणारा हा स्वभाव खूप जवळचा वाटला..!

आपल्यावर असलेली कौटुंबिक जबाबदारी माणसाला अशाच एकांतप्रिय वातावरणात घेऊन जाते..! अशा एकांतात माणसाला आपली कौटुंबिक जबाबदारी अन् स्वतच्या आयुष्याचं आत्मचिंतन खूप सूक्ष्मपणे साध्य करता येते..! कदाचित माझ्या अन् प्रिय नंदलाल सलामपुरे सरांच्या मध्ये असलेला हा एक दुवा असावा..मैत्री निर्माण करायला..!

माझ्या वैयक्तिक शिक्षकी आयुष्यात फार मोजके असे प्रिय शिक्षक मित्र लाभले,ज्यांच्या जवळ  सर्व दुःख आणि सुख व्यक्त करायला अजिबात मनात संकोच वाटला नाही,त्यात प्रिय नंदलाल सलामपुरे सर हे एक आहेत..!अर्थात असेच मनोभाव प्रिय सलामपुरे सर देखील माझ्याजवळ व्यक्त करत असायचे..व  व्यक्त करत असतात..!

आम्ही जो पर्यंत जि.प.प्रा.शा.एकलहेरा,ता.गंंगापूर ,जिल्हा औरंगाबाद येथे एकत्र कार्यरत होतो तो पर्यंत आम्हा दोघांचा आवडता वर्ग असायचा ,आमचे प्रिय कल्याणराव डमाळे सरांचा इ.४ चा वर्ग..!☺ अर्थात इतर सर्व वर्ग खूप आवडायचे पण आमचे प्रिय कल्याणराव डमाळे सरांचा एकलहेरा येथील इ.४ चा वर्ग म्हणजे आम्हाला आमच्यातील असलेले बालक जिवंत करायला लावणारा वर्ग..!😂  वास्तविक या वर्गाला आम्ही प्रत्यक्ष शिकवायला नव्हतो पण..आम्हाला आमच्यातील बालक शोधायाला प्रिय डमाळे सरांचा इ.४ चा वर्ग खूप जवळचा वाटायचा..!

आजही प्रिय नंदलाल रामलाल सलामपुरे सर ,त्याच प्रौढ व्यक्तिमत्त्वाच्या नात्यातून हमखास भेटत असतात..! सलामपुरे सरांचे आपल्या  कुटुंबावर असलेलं नित्तळ प्रेम त्यांना अजुन प्रौढ बनवते..!सरांचे त्यांच्या भोळ्या भाबड्या आईवर खूप खूप प्रेम आहे..! माझ्या तीर्थरूप वडिलांना ,प्रिय सलामपुरे  सरांच्या स्वभावाची मी कल्पना दिलेली आहे,तेंव्हा पासून माझ्याही वडिलांना ,जेंव्हा जेंव्हा सरांची व माझ्या वडिलांची घरगुती भेट होती तेंव्हा माझ्या वडिलांना एक समजूतदार मुलगा भेटल्याची नक्कीच जाणीव होती..! कारण अशाच कौटुंबिक जबाबदाऱ्या ,स्वतच्या आवडीनिवडीवर मर्यादा ठेवून जगलेली ही दोन्ही ग्रेट माणसं..!

माझ्या आयुष्याच्या प्रवासात  सामाजिक जाणीवा,जबाबदारी अन्  समजूतदारपणा याचा सुंदर मिलाप असलेला प्रिय मित्र नंदलाल रामलाल सलामपुरे, गोलवाडीकर..!(औरंगाबाद)

वंदे मातरम्..!

लेखक: नंदन शोभाबाई विष्णुपंत जाधव पालखेडवाले.

https://jadhavnandan.blogspot.com/?m=1

दिनांक: १० ऑगस्ट २०१९, शनिवार.