" जत्रा अन् यात्रा...!" 😊

चिंतन

" जत्रा अन् यात्रा...!" 😊
=================================

काही मराठी शब्दांचा अर्थ मराठी माणसाने आपल्या सोयीने लावून घेतला आहे असे वाटते..! 
जसे की...जत्रा...अन्..यात्रा...!

कुणी म्हणत जिथं पशू हत्या होते ती जत्रा अन् जिथं फक्त शाकाहारी नैवैद्य दाखविला जातो ती यात्रा..!

मुळात कोणताही देव किंवा देवता ही पशू हत्या होऊन तिच्या मासाची अपेक्षा कधीही करत नाही..! माणसांनी आपल्या जिभेचे चोचले पुरवण्यासाठी देवादिकांच्या नावाने हा प्रकार सुरू केला आहे...!😊

मी काही गावातील जत्रा अशा ही पाहिल्या आहेत,ज्या तेथील लोकांच्या जिभेच्या मांसाहारी चवीनुसार तेथील जत्रांच्या तारखा ठरवितात..! जसे की,ज्या दिवशी मांसाहार चालत नाही त्या दिवशी त्या देवेदिकांची जत्रा आयोजित करणे..! म्हणजे सगळं कसं माणसाच्या सोयीने..!

मुळात माणसाच्या शरीराची ठेवण,अवयव यांची रचना पाहता माणसाला मासाहारी प्राणी का म्हणावे किंवा तो मांसाहार का करतो हाच मूलभूत प्रश्न आहे..!😊
कदाचित अश्मुयुगात इतर खऱ्या मांसाहारी प्राण्यांच्या मांस खाण्याची रित पाहून माणसाला मांस खाण्याची
" सवय " लागली असावी...! खरे मांसाहारी प्राणी व खरे शाकाहारी प्राणी  यांची शारीरिक ठेवण व आहार खाण्याच्या पद्धतीत खूप काही मुलभूत फरक असतो...!
मग अशा दोन्ही गटातील प्राण्यांच्या आहार खाण्याच्या पद्धतीत व शारीरिक ठेवणीत दिसणारा फरक पाहिल्यास सहजपणे लक्षात येते की,माणूस नेमका कोणता प्राणी आहे....शाकाहारी की मांसाहारी...?😊
( ज्याने त्याने दोन्ही गटातील प्राण्यांच्या सर्व पद्धती पाहून आत्मचिंतन करावे..!😀)

मांसाहार करणे हा ज्याचा त्याचा वैयक्तिक प्रश्न आहे..त्यावर मला काहीही म्हणायचे नाही..! काहींच्या भौगोलिक वातावरणानुसार त्यांनी तो ठरवला आहे हेही मान्य .! मात्र मुख्य मुद्दा असा की, जसं आपल्या मांसाहारी चवीनुसार देवादिकांच्या जत्रांच्या तारखा माणूस आपल्या सोयीने ठरवतो...अगदी तसाच काहीसा प्रकार जत्रा अन् यात्रा या मराठी शब्दांचा आहे असे मला वाटते..! अन् अशा प्रथेतूनच जत्रा अन् यात्रा या दोन्ही मराठी शब्दांचा अर्थ माणसाने आपल्या सोयीने ठरवून घेतला आहे..!

माझा मूळ पिंड खेड्यातील आहे.आजही खेड्यातील सर्व सामान्य माणसाला जत्रा अन् यात्रा यातील फरक माहीत नाही..! बहुदा त्यांना माहीत नसणे हेच खरे उत्तर आहे..! ही माणसं फक्त आनंद घेतात अशा उत्सवांचा ..! त्याच्या खोलावर जात नाही..! मी अशाच खेड्यातील सर्व सामान्य माणसांचा एक सर्व सामान्य प्रतिनिधी आहे...जत्रा...किंवा यात्रा म्हणणारा...!😊

ता.क.: माणूस हा एकमेव प्राणी असा आहे,ज्याने इतर प्राण्यांच्या सगळ्याच प्रांतात बळजबरी शिरकाव केला आहे..!

थोडक्यात सगळ्यात दृष्ट  आणि दुसऱ्यात हस्तक्षेप करणार प्राणी माणूस आहे का..?😊

वंदे मातरम्....!

नंदन शोभाबाई विष्णुपंत जाधव पालखेडवाले.
https://jadhavnandan.blogspot.com/?m=1

दिनांक:२९/११/२०१९