यक्कु...उपाख्य एकनाथ भोईटे..!

आमचे गाव आमची माणसं..!

यक्कु...उपाख्य एकनाथ भोईटे..!
=================================

याच्यावर माझे अन् माझा प्रिय बालमित्र विजय गायकवाड
( ह. मू.वैजापूर) चे लई प्रेम आहे..!

आमच्या प्रेमाच्या तारा कोणे एकेकाळी बहुदा तब्बल वीस वर्षापूर्वी जुळल्या होत्या..! त्या आजतागायत कायम आहेत..! त्या तारा का...अन्..कशा जुळल्या...त्या..आम्हालाच माहीत नाही हे विशेष आहे..!

याला कोणे एकेकाळी मी अन् विजूने  प्रेमाने आमच्या गावातील कार्तिकी यात्रेत बळजबरी  शेव,चिवडा,लाडू,जिलेबी इत्यादी पदार्थ खाऊ घातले होते..!
ठिकाण होते...विजूच्या किराणा दुकानाचा ओटा...!आता त्या ओट्याचे कोणतेही अवशेष कुणालाही अजिबात सापडणार नाही..! अगदी अयोध्येत उत्खनन करणाऱ्या टीम ला सुध्दा..!😊

एवढा आग्रह ,मी अन् विजू आमच्या आयुष्यात कुणालाच करू शकणार नाही..! हा एक्कू...खूप नम्र स्वभावाचा आहे..! हा..कधीही कुणाच्याही अन् कोणत्याही भानगडीत पडत नाही..!आपण भलं अन् आपलं काम भलं...या विचाराचा हा आमचा एकनाथ..! घरची परिस्थिती जेमतेम आहे..! मात्र आमचा एकनाथ मनाने खूप श्रीमंत आहे..!मी अन् विजू ,आमच्या पालखेड गावातील ज्या मोजक्या माणसांवर निरपेक्ष प्रेम करतो त्यापैकी हा एक...एकनाथ..उपाख्य एक्कू..!

काल कार्तिकी यात्रेला मी गेल्यावर याची आवर्जून भेट घेतली.यानेही विजुची खूप प्रेमाने आठवण काढली..!
कारण विजू काल ,यावर्षीच्या यात्रेला आला नव्हता...!
मित्रा विजू,खास तुझ्यासाठी...आपल्या या मित्राचा फोटो अन् त्यावर लेख...!

ता.क.: आमच्या गावातील काही माणसं अशी आहेत,ज्यांना भेटल्याशिवाय गावाला भेट दिल्याचे आत्मिक  समाधान  मला अन् विजुला मिळत नाही..! त्यापैकी हा एक....एकनाथ..उपाख्य एक्कू..!

वंदे मातरम्..!

लेखक: नंदन शोभाबाई विष्णुपंत जाधव पालखेडवाले.

https://jadhavnandan.blogspot.com/?m=1

दिनांक:२७/११/१९