मला प्रवासात भेटलेली माणसं..!
प्रिय विद्यार्थी अर्जुनचा धाकटा भाऊ प्रिय नंदू..!
===================================
अतिशय नम्र आणि सालस माजी प्रिय विद्यार्थी नंदू शिंगाडे, तुला जन्मदिनाच्या मनःपूर्वक शुभेच्छा बेटा..!🌹
नव्वदच्या दशकात तू जेंव्हा जळगाव ता.वैजापूर येथील प्राथमिक शाळेत शिक्षण घेत होतास, त्यावेळी तुझी शिक्षणाप्रती असणारी प्रचंड ओढ, भूक मी अगदी जवळून पाहिलेली आहे.अतिशय सर्व सामान्य परिस्थितीत तू शिक्षण घेतले अन् आज लासूर स्टेशन येथे स्वतचं शैक्षणिक कार्य सुरू आहे..!
सरस्वती कोचिंग क्लासेस या नावाच्या रूपाने लासूर स्टेशन येथे तुझ्या रूपाने एक सामाजिक जाणीव अन् बौध्दीक जाणीव असलेला प्रिय विद्यार्थी हे योग्यपणे हाताळत आहे याचा नक्कीच अभिमान वाटतो..! यात सातत्य असू दे..! शैक्षणिक कार्यात खूप आवश्यक असणाऱ्या आचारसंहिता बाबत, प्रिय नंदू , तुला मागेच हक्काने मार्गदर्शन केलेले आहेच, त्याचे पालन करतो आहेच, त्यात उणीव पडू देऊ नये..!🙏
तुझा मोठा भाऊ , माझा अतिशय प्रिय विद्यार्थी अर्जुन शिंगाडे ( ह.मु. बजाजनगर औरंगाबाद) , याचा तू नेहमी तुझ्या आयुष्यात आदर्श असू दे..! कारण अर्जुन हा माझ्या आवडत्या विद्यार्थ्यांपैकी एक आहे..! प्रिय अर्जुन, खूपच शांत अन् स्समजुतदार आहे..! माझ्या शिक्षकी आयुष्यातील वाटचालीत सुरुवातीला अशी अनेक प्रेमळ मुलं भेटली याचा नक्कीच आनंद वाटतो.त्यात अर्जुन चे स्थान खूप वरचे आहे..! विशेष म्हणजे तुझा मोठा भाऊ अर्जुन ,हा त्याच्या प्राथमिक शाळेतील वयोगटात असताना वर्गात सर्वात मोठा होता,पण त्याने कधीही दांडगाई केली नाही ,की कधीही आपल्यातील नैतिक मूल्यांचा तोल ढासळू दिला नाही..! प्रिय नंदू , तू नशीबवान आहेस, प्रिय विद्यार्थी अर्जुन सारखा भाऊ तुला लाभलेला आहे..! प्रिय अर्जुन सारखा विनम्र विद्यार्थी लाभणे हे कोणत्याही शिक्षकांसाठी अभिमानास्पद आहे..!
वंदे मातरम्...!
नंदन शोभाबाई विष्णुपंत जाधव पालखेडवाले
https://jadhavnandan.blogspot.com/?m=1
दिनांक : १८/८/२०२०
कोणत्याही टिप्पण्या नाहीत:
टिप्पणी पोस्ट करा