आयुष्याचे मंदिर अंत्यातील पवित्र मूर्ती..!

*** चिंतन ***

" आयुष्याचे मंदिर अन् त्यातील पवित्र मूर्ती..! "
=====================================

माणसाचे आयुष्य एखाद्या मंदिरासारखे असते..! जसे एखादे पवित्र मंदिर ज्याच्या त्याच्या श्रद्धेने नटलेले असते..अगदी तसेच आपले आयुष्य देखील याच अशा अनेक प्रत्यक्ष परिचयाच्या अन् प्रत्यक्ष परिचयाच्या नाही पण,त्यांच्या सहवासाची जाणीव सतत प्रवासात होत असते अशा अनेक गोड  व्यक्तींच्या सहवासाने सजलेले असते..!

जसं एखादं मंदिर ,माणसाला कित्येक वर्षाच्या किंवा काही वर्षाच्या निव्वळ श्रद्येय शोधक वृत्तीने  सापडते अगदी त्याच समर्पण भावनेने काही माणसं माझ्या आयुष्यात उशिरा.. पण लाभली आहेत हे मात्र नक्की..! काही मंदिरं कित्येक किंवा काही वर्षांपासून आपल्या हृदयात निस्सीम श्रद्धा अन् त्यावरील पवित्र प्रेम यांची जागा घेऊन हृदयावर विराजमान झालेली असतात..! जी मंदिरं,अद्याप माझ्या  आयुष्यात  प्रत्यक्ष स्वरूपात दर्शन घेण्यासाठी आलेली नाही, मात्र एक ना एक दिवस त्या  मंदिराचे प्रत्यक्ष पवित्र दर्शन नक्कीच होईल यावर माझा विश्वास आहे..!

आता त्याच मंदिरासारख्या पवित्र माणसांचा सहवास कधी प्रत्यक्ष लाभतो तर कधी प्रत्यक्ष लाभत नाही..! जसं ती मादी कासव,आपल्या पिल्लांना फक्त आपल्या नेत्रांच्या दर्शनाने सुख देऊन त्याच पिल्लांना प्रत्यक्ष दुग्धपान न करताही पिल्लांना दुग्धपानाचा आत्मिक आनंद देऊन जाते..!  अगदी असेच माझ्या या संपणाऱ्या आयुष्यात असेही काही माणसं आहेत,की ज्यांचा अद्याप तरी प्रत्यक्ष सहवास नाही,पण त्याच मादी कासवाच्या पवित्र नेत्रासारखी त्यांची सतत जाणीव या  नश्वर देहाला आहे..! एक ना एक दिवस नक्कीच नियती खळखळून सूखदपणाने हसेल अन् त्या  मंदिरातील पवित्र मूर्ती ला जसा पवित्र स्पर्श होतो तसा पवित्र स्पर्श त्यांना होऊन माझ्या आयुष्याचे पवित्र मंदिर सजून फुलून निघेल याचा मला पूर्ण विश्वास आहे..!

आता याच माणसाच्या आयुष्यातील प्रवासाच्या वाटेवर अनेक असेही नास्तिक भेटत असतात  की, ते त्यांचं कार्य करत असतात, ते जसे आपल्याला दुर्लक्षित करत असतात,आपणही त्यांना अगदी तसचं करायचे..! आपण मात्र ज्या व्यक्तीवर निस्सीम श्रध्दा ठेवून प्रेम करतो त्याच्या आठवणींनी ,ज्या व्यक्तीच्या सहवासाने आपल्याला मनःशांती लाभते अशा माणसांच्या प्रत्यक्ष सहवासाने किंवा आठवणींनी आपल्या आयुष्याला अजुन सुंदर बनवायचे..!

माझ्या वैयक्तिक आयुष्यातील वाटेवर अनेक प्रवासी प्रत्यक्ष भेटले , तर काहीजण हृदयात पूर्वीपासून होते पण त्यातील  काही नुकतेच भेटले  आणि काहीजणांना भेटण्याची माझ्या मनाला प्रचंड उत्सुकता आहे..! बघुया,नियती त्या मंदिरांचे दर्शन कधी घडवून आणते ते..! ते सर्वजण माझ्या सोबत असतात,त्यांच्या आठवणीच्या जाणिवेच्या रूपाने..! त्याच भेटलेल्या प्रवाश्यांपैकी काहीजण शिकवत असतात तर काहीजण शिकून घेतात..! काही प्रवासी तर मला माझ्या आयुष्याच्या वाटेवर असेही भेटले आहे,ज्यांचे अस्तित्व मंदिरातील मुर्तीपेक्षाही पवित्र आहे..!ज्यांच्यावर भावुकपणे  विश्वास ठेवावा असे ते मन मंदिरातील पवित्र मूर्ती सारखे आहेत..!

त्याच अशोका च्या सरळ झाडासारखे ,त्यांचे मनही सरळ आहे..!
काही माणसं ,माझ्या  संपत जाणाऱ्या आयुष्यात त्याच पवित्र मंदिरासारखी होती अन् आहेत..!नक्कीच भेटतील एक ना एक दिवस..!☺

वंदे मातरम्..!

ता.क.: माझ्या सोबत, मिसाळ सर व डी .एडचा फक्त १५ दिवसाचा प्रिय मित्र भागवत माऊली गुठे सर..!

तसेच या लेखाला  कुणीही कॉपी पेस्ट करून  शेवटी स्वतचं नाव लिहून पोस्ट करू नये असे आढळून आल्यास कायदेशीर कारवाई करण्यात येईल..!

लेखक: नंदन शोभाबाई विष्णुपंत जाधव पालखेडवाले.
दिनांक: २२ ऑगस्ट २०१९