😊 " वाचन..! " 😊

 

चिंतन

☺ वाचन..! ☺

==================================

पुस्तकांचे वाचन असले की,माणसं वाचायला सहज सोपी जातात..!मला अशा वाचकांची खूप कीव येते की,जे म्हणतात किंवा ज्यांची अशी पक्की मानसिकता असते की,

" मी अमुक..अमुक..विचारांचे ,साहित्यिकांचे साहित्य वाचत नाही किंवा टाळतो..!" वगैरे.

माझे तर वैयक्तीक मत असे आहे की,सर्व प्रकारचे चतुरस्र वाचन हवे..!जेणेकरून कोणता लेखक त्याच्या लेखन प्रपंचात काय..काय दिवे..मेणबत्त्या, चिमण्या लावत आहे किंवा अंधार पाडत आहे..हे हमखास समजते..!

जी माणसं सर्वच प्रकारचे साहित्य वाचण्यास टाळतात..माझ्या मते अश्या माणसांनचा आपल्या विचारांवर आत्मविश्वास नसतो..!त्यांना भीती वाटत असते की,अमुक..अमुक साहित्य वाचल्याने ते माझ्यावर हावी होईल की काय...याचे..!

अपंग असतात ही माणसं..विचाराने..! त्यांना भीती वाटते की,मी जे साहित्य वाचत आहे,त्याचे विचार माझ्यावर अतिक्रमण करेल की काय..! आपले वाचन राजहंसा सारखे असावे..! जे हवं व इष्ट आहे तेच ग्रहण करणे.. व बाकीच्यात असूनही ते पद्धतशीरपणे टाळणे..!

" सर्वच प्रकारचे साहित्य " वाचल्याने " सर्वच प्रकारचे माणसं " खूप खूप सोप्पी जातात वाचायला..!😂

 मी ,माझी जन्मभूमी पालखेड,आयुष्यातील दीड तपाची कर्मभूमी लासूर स्टेशन, सध्याची कर्मभूमी औरंगाबाद, आयुष्यातील प्रवासादरम्यान भेटलेली माणसं, शिक्षक म्हणून व्यतीत केलेल्या वैजापूर,गंगापूर व सिल्लोड तालुक्यातील शाळा व तेथील विविध 

" सर्वच " मानवी घटक यांचे मस्तपैकी वाचन करत आलेलो आहे..!☺

अगदी असंच,आपल्या आयुष्यात अशी माणसं नको...तशी माणसं नको..हेही योग्य नाही..! उलट आपण अशा " सर्वांच्या "सहवासात, भले तो अल्प का असेना पण असा सहवास असावाच..! अशांच्या संगतीत राहून खूप छान वाचन करता येते..अशांचे..!जे दुर्गुण आपल्यात नाही त्यांचे मोफत प्रात्यक्षिक समोरच्यावर होताना ,होणाऱ्या परिणामांची मस्त मेजवानी असते ती आत्मपरीक्षण करण्याची..! मी स्वतः अधून मधून 😂 मात्र या उपक्रमात ज्यांच्या जवळ प्रचंड संयम आहे अशांनीच सहभाग नोंदवावा..!

नसता....

ता.क.: काजल की कालीख खुद को लग जाने की संभावना बहुत होगी..!😂

वंदे मातरम्..!

सर्वांच्या संगतीत राहणारा व आतापर्यंत संयम ठेवण्याचा प्रयत्न करणारा लेखक: 

नंदन शोभाबाई विष्णूपंत जाधव पालखेडवाले.

https://jadhavnandan.blogspot.com/?m=1

(© सदरील लेख कॉपीराइट केलेला असून लेखाचे संपूर्ण हक्क लेखकाकडे आहेत.)

दिनांक: १९ जूलै २०१८