" ते माझे गुरू..!"

 

चिंतन ©️

" ते माझे गुरू..!"

===============================

ज्यांनी ज्यांनी मला माझ्या आयुष्यात वाईट अनुभव दिले ते माझे गुरू ,कारण त्यांनी मला माणसं ओळखायला फुकटमध्ये शिकवलं..!

ज्यांनी ज्यांनी मला माझ्या आयुष्यात ज्ञान दिले ते माझे गुरू, कारण त्यांनी  माझ्या आयुष्याला समज दिली..!

जे कुणी,  माझ्या आयुष्यात, मी ऐन संकटात असताना  माझ्या मदतीला धावून आले ते माझे गुरू, कारण, त्यांच्यात त्या परम पित्या परामात्याचं रूप मला जाणवलं..!

जे कुणी नाहक कारणांनी या सुंदर आयुष्याची राख रांगोळी करून घेतात ते माझे गुरू, कारण त्यांनी त्यांचं आयुष्य ज्या नाहक कारणांनी उध्वस्त केले ते बघून मी वेळीच सावध झालो..!

ज्यांनी कुणी माझ्या आयुष्यात मायेचा अंकुर फुलविला ते माझे  गुरू, कारण ते  आई - वडील होते..! 

ज्यांनी कुणी माझ्या आयुष्यात मैत्रीचा अंकुर फुलविला ते माझे गुरू, कारण त्यांनी रक्तविरहित नात्यात विधात्याचा अंश असतो याची अनुभूती मला करून दिली..!

ज्यांनी कुणी माझ्या आयुष्यात वैचारिक, अध्यात्मिक शक्ती दिली ते माझे गुरू कारण त्यांच्यामुळे खूप थोडी फार मानसिक शांती लाभली..!

आणि...

सजीव कधी कधी चुकू शकतात, पण निर्जीव भासणाऱ्या ध्वजात चूक होत नाही,कारण तो ध्वज सतत आपल्याला प्रेरणा देत असतो,जगण्याची, सतत आयुष्यात फडफडण्याची, उभा राहण्याची, आपला दैदिप्यमान इतिहास , त्यातील प्रेरक शक्तींना आठवून त्यांच्यामुळे आज माझ्यातला मी उभा आहे याची जाणीव सतत होत असते..! ते ध्वज देखील माझे गुरू आहेत,कारण तो राष्ट्रध्वज आहे, तो भगवा ध्वज आहे..! 

🇮🇳 🙏🏻 🚩

वंदे मातरम्..!

नंदन शोभाबाई विष्णुपंत जाधव.

https://jadhavnandan.blogspot.com/?m=1

(© सदरील  लेख कॉपीराइट केलेला असून लेखाचे संपूर्ण हक्क लेखकाकडे आहेत.)

दिनांक - १३/७/२०२२,बुधवार, गुरू पौर्णिमा.