"दुर्मीळ संधी माणसं वाचण्याची..! "
__________________________
आज दिनांक ९/१२/२०१७ रोजी बऱ्याच दिवसानंतर भल्या मोठ्या गर्दीतील खूप माणसं वाचण्याच्या सुवर्णसंधीचा मी दुर्लभ लाभ घेत आहे..!ही दुर्मिळ संधी आज सकाळी ७ ते शेवटची वेळ माहीत नाही.. या वेळेत उपलब्द आहे..!
निमित्त: मोफत भव्य आरोग्य शिबिर,लासूर स्टेशन,ता.गंगापूर.
गर्दीतल्या माणसांना गुपचूप वाचण्याचा माझा आवडता छंद आहे..! या छंदाच्या छंदीपणापायी मी सकाळी ६:५० पासून ते दुपारचे १२:३० पर्यंत या क्षणापर्यंत जागेहून उठलेलो सुध्दा नाही..!आता या जागेवरून शेवटी कधी उठेल हे सगळे,माझ्या समोर आलेल्या पुस्तकांवर म्हणजेच माणसांवर अवलंबून आहे..!
मी येथे रुग्णांची नाव नोंदणी करणारा गंगापूर तालुक्यातील उर्वरित शिक्षकांप्रमाणे,एक शिक्षक आहे..!
आज भेटत असलेल्या माणसांपैकी बरीच माणसं,अतिशय दारिद्र्य अवस्थेतील दिसली.या माणसांच्या चेहऱ्यावरून ,आजही आपला भारत देश,महासत्ता होण्याच्या मार्गावर जाताना,यांना सोबत घेऊन जाणे किती अत्यावश्यक आहे हे याच दारिद्र्य अवस्थेतील लोकांच्या अवस्थेवरून जाणवत होते..!
आज काही माणसं अशीही दिसली,जी आज आपल्याला नेमून दिलेले काम न करता,त्यांच्या वरिष्ठांच्या पुढे..पुढे करण्यात, इकडून तिकडे अन् तिकडून इकडे फिरण्यात स्वतः ला धन्य समजून घेत होती..! अशा चमकोगीरी करणाऱ्या शिक्षकांना,शिबिरात आलेल्या एखाद्या दीन.. दुबळ्या व्यक्तीने काही काही मार्गदर्शन विचारल्यास,ही चमकोगीरी करणारी शिक्षक मंडळी अशा दीन.. दुबळ्यांना प्रत्यक्ष काम करत असलेल्या शिक्षकांकडे पाठवून देत होती..!
आज आरोग्य शिबीरात अशीही माणसं वाचण्यात आली,ज्यांचे शारीरिक अपंगत्व उघडपणे दिसत होते,मात्र त्यांच्यातील प्रखर इच्छाशक्ती धडधाकट माणसाला देखील लाजवून जात होती..!त्याचे कारण, ही दिव्यांग असलेली माणसं,मनाने किती धडधाकट आहेत ,हे त्यांच्या देहबोली वरून जाणवत होते..!
याच माणसांच्या गर्दीत अशीही माणसं दिसली,जी त्यांच्या वागण्यावरून अनेक राजकीय नेत्यांचे कार्यकर्ते जाणवत होती.यातील बहुतांशी कार्यकर्ते ,अशाच कार्यकर्त्यांचे प्रतिनिधित्व करणारी जाणवली, जी आपल्या नेत्याच्या कानाच्या जवळ जाऊन,त्याच दृश्यांचे फोटोसेशन करून.....
" टिंब..टिंबशी महत्त्वाच्या विषयांवर चर्चा करताना अमुक.. अमुक..!" अशी बिरुदावली चिकटवून,त्याच आशयाच्या बातम्या सर्व माध्यमात प्रदर्शित करण्यात पटाईत जाणवली..!😊
आणि माणसातील देव माणूस, ज्याला आपण डॉक्टर असे म्हणतो,ही देव माणसं अनेक वंचित,दीन..दुबळ्यांची आरोग्य तपासणी करताना दिसली..अन् माणसातील देव माणसं देखील पाहायला मिळाली..!
हल्ली बरीच माणसं खूप वाचनीय आहेत..! एक माणूस दहा पुस्तकांचे वाचन जिवंत स्वरूपात ,चेतक बदलाच्या रूपाने उपलब्द करून देतो..असे " माझे वैयक्तिक " मत आहे..!त्यामुळे हल्ली पुस्तके वाचणे बरेच कमी केले आहे..!
धन्यवाद , माणसांन्नो..मला खूप काही वाचायला तुमच्या रूपाने अगदी मोफत दिल्याबद्दल...!
वंदे मातरम्..!
गर्दीतील माणसांना मोफत वाचण्याचा छंद असणारा लेखक : नंदन शोभाबाई विष्णुपंत जाधव पालखेडवाले
https://jadhavnandan.blogspot.com/?m=1
फेसबुक भिंतीवर लेखन दिनांक :९/१२/२०१७ व
माझ्या ब्लॉगवर प्रकाशित दिनांक: ९/१२/२०१९,सोमवार
कोणत्याही टिप्पण्या नाहीत:
टिप्पणी पोस्ट करा