साॉक्रेटीस...!📙📘📗

चिंतन

साॉक्रेटीस...!📙📘📗

==================================

" नवविचारांचे निर्माते - साॉक्रेटीस, प्लेटो, लेनिन "

लेखिका : मेधा ना.मराठे

सदरील पुस्तक ,मी लासूर स्टेशन येथे राहत असताना एका पुस्तक प्रदर्शनात दिनांक १३/१२/२०१७ रोजी विकत घेतले होते.आज पुस्तकं चाळताना नजरेत पडले..!

साॉक्रेटीस तब्बल २५०० वर्षापूर्वी ग्रीस मध्ये इ. स.पूर्व ४६९ मध्ये जन्माला आला.महान तत्त्ववेत्ता..! साॉक्रेटीस यांचे एक वाक्य जगप्रसिद्ध आहे अन् ते म्हणजे...

" माझ्या बाबतीत म्हणाल तर मला एवढंच माहीत आहे की,मला काहीच माहीत नाही..!"

साॉक्रेटीस खऱ्या अर्थानं सुज्ञ होता,कारण त्याला त्याच अज्ञान माहीत होते.उगीचच माझेच खरे या फंद्यात तो कधीही पडला नाही.संपूर्ण ब्रम्हांडाचे नियमन करणाऱ्या अंतिम शक्तीवर साॉक्रेटीसचा विश्वास होता.ईश्वराची सर्वश्रेष्ठ कृती मानव आहे असं साॉक्रेटीस मानतो.

साॉक्रेटीस हे पूर्णपणे मान्य करतो की,शरीराचा त्याग केल्यावरही आत्म्याचे अस्तित्व असतं..! अशा तऱ्हेने तो पुनर्रजन्माचा सिध्दांत मान्य करतो.एका अर्थाने साॉक्रेटीस हा भगवान श्री कृष्ण यांच्या विचारांना पुढे नेण्याचा प्रयत्न करतो.

माझ्या मते, संपूर्ण मानवी संस्कृती मध्ये भगवान श्री कृष्ण यांच्याच विचारांना , श्री कृष्ण यांच्या नंतर अनेकानेक तत्ववेत्त्यांनी, भिन्न भिन्न धर्माचे धर्म संस्थापक, धर्मगुरू इत्यादींनी पुढे नेले आहे..! प्रत्येकाने भगवान श्री कृष्ण यांच्या विचारांना आपापल्या परीने समाजाला आपापल्या भाषेत सांगण्याचा प्रयत्न केला..! भगवान श्री कृष्ण यांच्या नंतर ज्यांनी ज्यांनी आपापल्या धर्माचे विचार व्यक्त केले,त्या सर्वांचा प्रारंभ बिंदू श्री कृष्ण हाच एकमेव होता..! भगवान श्री कृष्ण यांच्या कडे फक्त एक देव म्हणून न पाहता समाजातील सगळ्या अवैचारिक रोगांवरचे ,सर्वात प्रगल्भ वैचारिक प्रगल्भता असलेलं विद्वत्तापूर्ण मानवी औषध म्हणून पाहिले तर सुज्ञ नागरिकांना नक्कीच पटेल..!

साॉक्रेटीसचे विचार तत्कालीन राजव्यवस्थेला मान्य झाले नाही,अन् त्याच राजव्यवस्थेने साॉक्रेटीसला विषाचा प्याला देऊन ठार केले..! काही काळानंतर साॉक्रेटीसचे महत्त्व समजले, तेंव्हा साॉक्रेटीस जिवंत नव्हता..!😔

वंदे मातरम्...!🙏🇮🇳🙏

✍️ नंदन शोभाबाई विष्णुपंत जाधव पालखेडवाले.

https://jadhavnandan.blogspot.com/?m=1

दिनांक : २७ मे २०२०, बुधवार.