" आम्हाला वाढू द्या..जगू द्या..!"🌳

 

चिंतन

" आम्हाला वाढू द्या..जगू द्या..!"🌳🌳🌿🌱🍀🌳🌳

=========================

मी आज दिनांक १५ जून २०१९ रोजी भल्या सकाळी जन सहयोग परिवार औरंगाबाद च्या वतीने वृक्षारोपण अन् संवर्धन करण्यात आलेल्या डंपिंग ग्राउंड, गोलवाडी फाटा, सैनिकी क्षेत्र येथे गेल्यावर खूप कोवळी अन् लुसलुशीत पाने नजरेत भरली..!

पान होतं पिंपळाचं...!🍃🍃🍃

त्या पानाच्या मनातील भावना अन् संवेदना मला म्हणू पाहत होते की,

" आम्ही आता पृथ्वीवरील सर्वात हुशार प्राण्याच्या म्हणजेच माणसांच्या सानिध्यात प्रवेश करण्यास सज्ज झालो आहे..! आमच्या हिरव्यागार सौंदर्यानं मोहित होऊन,आमच्या सर्वांगावर आमचे विविध सगे,सोयरे जसे की, किडे, मुंग्या, मुंगळे,पक्षी इ.आपापली संस्कृती वाढवतील..! मला त्या नयनरम्य संस्कृतीला अजुन फुलवायला, जोपासायला माझे अख्खे आयुष्य वेचायला आवडेल अन् ते कार्य मला खूप खूप समाधान देऊन जाईल..!

पण.....माझे हेच हिरवेगार नयनरम्य सौंदर्य पाहून कुणीतरी नराधम माझ्याकडं आकृष्ट होईल अन् माझ्या या कोवळ्या, लुसलुशीत सौंदर्यावर,माझ्या वाढलेल्या सौंदर्यावर त्याच नराधमाने विकसित केलेले हत्यार चालवून माझी हत्या करील..! मी जरी मुका असलो तरी माझ्या सर्वांगातून माझ्या वेदना फुटून माझे मुक रुदन सुरू होईल..!माझ्या सर्वांगावर ज्यांनी..ज्यांनी आपली संस्कृती जोपासली,ती सर्व माझी सगे सोयरे त्याच वेळेला अनाथ होऊन ,ते सुध्दा दुःखाच्या काळ्याशार डोहात गडप होतील..!

मला फक्त आणि फक्त देणं माहीत आहे...अन् पृथ्वीवरील सर्वात हुशार प्राण्याला म्हणजेच माणसाला फक्त आणि फक्त माझ्याकडून घेणं माहीत आहे..! किती हा कृतघ्नपणा..?

पण..मी अन् माझे इतर कुळातील इतर वृक्ष आम्ही "जनसहयोग परिवार औरंगाबाद च्या " सानिध्यात स्वतः ला खूप सुरक्षित समजतो..! त्याचे कारण या परिवारातील प्रत्येक सदस्य आम्हा सर्व वृक्षांना आमच्यापैकीच एकजण वाटतो..! ज्या ज्यावेळी जनसहयोग परिवार चे सदस्य आमच्या सानिध्यात येतात,त्यावेळी आम्ही खूप आनंदित होऊन जातो.आम्हाला झालेला आनंद आम्ही व्यक्त करू शकत नाही पण जनसहयोग परिवार चे सदस्य तो आमचा आनंद समजून घेऊन,अंतर्मनात जाणून आम्हाला आंजारतात.. गोंजारतात..!यावेळी आम्हाला आकाश ठेंगणं होतं..! 

निसर्गाच्या त्या विधात्याकडं आम्हा सर्व वृक्षांची 🌳🌳एकच मागणी आहे अन् ती म्हणजे...

" या पृथ्वीवर जिथं..जिथं आमचे इतर वृक्ष भाऊबंद ,इतर कुळातील वृक्ष असतील त्यांना आमच्या प्रेमळ जनसहयोग परिवार सारखे मायाळू सदस्य त्यांच्या सानिध्यात लाभू दे..!"

वंदे मातरम्🌳🇮🇳🌳

लेखक: नंदन शोभाबाई विष्णुपंत जाधव पालखेडवाले.

©️

https://jadhavnandan.blogspot.com/?m=1

सौजन्य: जनसहयोग परिवार औरंगाबाद🌳🌱🌿

स्थळ: गोलवाडी फाटा, डंपिंग ग्राउंड सैनिकी क्षेत्र वाळूज रोड, औरंगाबाद

दिनांक: १५ जून २०१९ ची रम्य सकाळ.