** परतफेड नियतीची..! **

*** मला प्रवासात भेटलेली माणसं..! ***

*** परतफेड नियतीची..! ***

______________________________________________

एकदा एक इसम दिनांक २२ ऑगस्ट २०१८ रोजी औरंगाबाद बस स्थानक येथील ,एका रिक्षात सर्वात अगोदर येऊन बसला होता.

त्या रिक्षात हळूहळू अनेक प्रवासी येऊन बसले .

तो इसम अलीकडेच उतरणार होता.बाकीचे प्रवासी थेट उतरणार होते.

थोड्या वेळाने अजुन काही प्रवासी रिक्षात ,थेट पर्यंत जाण्यासाठी आले,अन् रिक्षावाल्याने त्यांना रिक्षात बसवून घेतले... अन्....थेट पर्यंतच्या प्रवाशांना जागा शिल्लक राहिली नाही म्हणून त्या रिक्षावाल्याने सर्वात अगोदर स्वतः हुन बसवून घेतलेल्या त्या इसमाला ,रिक्षा सुरू होण्यापूर्वीच उतरवून दिले होते.अन् म्हणाला .........

" साहेब, तुम्ही दुसऱ्या रिक्षाने या..!"

तो इसम निमूटपणे उतरला अन् दुसऱ्या रिक्षांची वाट पाहू लागला..अन् ती रिक्षा धूर सोडीत भूर्रकन निघून गेली होती.

चार दिवसानंतर......................................................

वेळ दुपारची २ वाजेची होती. ठिकाण देखील तेच होते.तोच इसम ,नेहमीप्रमाणे त्याच रिक्षा स्टँडवर आला होता.त्या इसमाला ,पुन्हा तोच रिक्षावाला पुन्हा नजरेस पडला . तोच रिक्षावाला त्या इसमाला खूप गयावया करून म्हणत होता की,

" ओ,साहेब...माझ्या रिक्षात बसा ना...! आज रिक्षात बसायला कुणीच नाही आले हो..!आज लई धंदा लई कमी झाला..! "

त्या इसमाने त्या रिक्षावाल्याकडे पाहत मंद स्मित केले होते.अन् तो इसम त्याच रिक्षावाल्याला नम्रपणे म्हणाला .......

" भाऊ, तुम्ही मला ओळखलं का..?"

रिक्षावाला म्हणाला- " नाही साहेब..!"

तो इसम - " भाऊ ,मी तोच आहे, ज्याला तुम्ही चार दिवसांपूर्वी सर्वात अगोदर येऊन सुध्दा ,तुमच्या गाडीत बसून उतरवून दिले होते..! कारण काय तर तुम्हाला फक्त ५ ₹ जास्तीचे प्रवासी मिळाले होते.."

तो रिक्षावाला खूप खजील झाला होता.

तो इसम काहीच बोलला नाही.दुसरी रिक्षा आली अन् त्या रिक्षात बसून तो इसम आपल्या घराकडे रवाना झाला..!

तो पहिला रिक्षावाला शून्य नजरेने व पश्चाताप मुद्रेने पाहत राहिला..!

ता.क.: नियती जसेच्या तसेच परतफेड करत असते,नेहमी...!😊🙏

वंदे मातरम्..!

तो इसम: नंदन शोभाबाई विष्णूपंत जाधव पालखेडवाले.

https://jadhavnandan.blogspot.com/?m=1

दिनांक:२२ ऑगस्ट २०१८