" हे खळगुटा, तुझ्याविषयी असे मला वाटते..!"

चिंतन

" हे खळगुटा, तुझ्याविषयी  असे मला वाटते..!"
_______________________________________

कुणी याला खळगुट म्हणते..!
कुणी याला शेंगदाण्याची आमटी म्हणते..!

मात्र एक आहे... या कालवणाची सर...अमृत घुसळून केलेल्या कोणत्याही कालवणाला अजिबात यायची नाही..
असे मला वाटते..!

बहुदा जेंव्हा माणूस पातळ कालवण बनविण्याची  ही  सुगरण पाककला शिकला असेल..तेंव्हा हेच खाळगुट पहिल्यांदा बनवले असेल...
असे मला वाटते..!

त्यातल्या त्यात याच खळगुटा सोबत जर बाजरीची भाकर असेल तर... ज्यांना या कालवणाची चव माहीत आहे त्या बहुतांशी माणसांच्या ओलसर तोंडाला पाणी सुटलेच ...
असे मला वाटते..!

जर हे खळगुट गरमागरम असेल तर कितीही थंडगार माणूस असला तरी..त्याच्या पाककलेवर निस्सीम प्रेम करणाऱ्या सर्व ग्रंथींना हमखास गरमागरम पाझर फुटलाच म्हणून समजा...
असे मला वाटते..!

आता माझ्या पाककलेवर निस्सीम प्रेम करणाऱ्या सर्व ग्रंथींना पाझर फुटला आहे..तेंव्हा आता मी माझ्या संयमित स्वभावाला तिलांजली देऊन हे खळगुट पोळी उपाख्य चपाती सोबत काला..उपाख्य कुस्करून खातो..
हे खळगुटा, तुझ्याविषयी असे मला वाटते मला वाटते..!

ता.क.: ज्या..ज्या खवय्यांच्या पाककलेवर निस्सीम प्रेम करणाऱ्या सर्व ग्रंथींना पाझर फुटला असेल..त्यांनी वेळ मिळेल तेंव्हा..हे खळगुट घरी मस्तपैकी तयार करून खावे..
असेही मला शेवटी वाटते..!😂

खळगुटाला पाहून आपल्या सर्व खाद्य ग्रंथींना पाझर फुटणारा:
नंदन शोभाबाई विष्णुपंत जाधव पालखेडवाले.

https://jadhavnandan.blogspot.com/?m=1

वंदे मातरम्..!
फेसबुकवर लिखाण दिनांक: १८ नोव्हेंबर २०१८ व,
माझ्या ब्लॉगवर प्रकाशित दिनांक:१८/११/२०१९,सोमवार