आनंदी माणूस संपतजी छाजेड

मला प्रवासात भेटलेली माणसं..!

" आनंदी माणूस,आदरणीय संपत भाऊ शेठ छाजेड "

________________________________________

एखाद्या राजकीय व्यक्ती विषयी माझ्या सारख्या बिगर राजकीय व्यक्तीने काही व्यक्त केले म्हणजे नक्कीच त्या व्यक्त होणाऱ्या विचारांकडे बिगर राजकीय नजरेनेच प्रत्येकाने पाहायला हवे.

कुबेराच्या घरी काही..खूप ग्रेट माणसं जन्माला येतात त्यात आदरणीय संपत भाऊ शेठ छाजेड यांचा मी वैयक्तिकरित्या आवर्जून उल्लेख करील. या ग्रेट माणसाने..ज्यावेळी यांची राजकीय कारकीर्द सुरूही झालेली नव्हती,त्यावेळी फक्त एका शब्दावर माझ्या सारख्या सर्व सामान्य माणसाला लासूर स्टेशन येथे जागा व घर नावावर करून देणारे एकवचनी व्यक्तिमत्त्व..! विशेष म्हणजे माझ्या घराचे पैसे ,घर नावावर करून दिल्यानंतर टप्याटप्याने मी आदरणीय संपतजी शेठ यांना दिले होते. महावीर नगर लासूर स्टेशन येथील पहिला नागरिक होण्याचा सन्मान मला अन् आदरणीय पाडळकर सर आम्हाला प्राप्त करून दिला. इ.स.२००३ मध्ये महावीर नगर लासूर स्टेशन येथे सर्वात अगोदर मी अन् आदरणीय पाडळकर सर सहपरिवार राहायला आलो होतो. एवढा मोठा विश्वास आदरणीय संपत भाऊ शेठ यांनी माझ्यावर तब्बल १५ वर्षापूर्वी दाखवला याचे आजही मला अप्रूप वाटते.

खूप चांगले व्यक्तिमत्त्व , नेहमी हसतमुख अन् सर्वात महत्त्वाचे म्हणजे समोरच्याशी विनम्र भाषेत संवाद साधून आपलेसे करणारे व्यक्तिमत्त्व म्हणजे आदरणीय संपतजी शेठ छाजेड..! सार्वजनिक आयुष्यात आयुष्य व्यतीत करत असताना भाषा सौंदर्य असणे अत्यंत आवश्यक असते.त्यात आदरणीय संपतजी शेठ छाजेड खूप श्रीमंत आहेत. 

आजही आदरणीय संपत भाऊ शेठ यांनी एखादा शब्द दिला म्हणजे.. दिला...! त्यात हा ग्रेट माणूस अजिबात बदल करत नाही हा माझा वैयक्तिक अनुभव आहे ; आणि हाच अनुभव त्यांच्याशी ज्यांचा..ज्यांचा संबंध आलेला आहे त्यांनाही आलेला असेलच.

कधी संपत भाऊ शेठ यांना भेटा..त्यांच्या चेहऱ्यावर एक नाजूक हास्याची लकेर उमटलेली दिसेल.आणि जी व्यक्ती सदैव हसमुख राहते..ती व्यक्ती आयुष्याकडे किती सकारात्मकतेने पाहते याचा सहज अंदाज येतो. कधीही यांना गर्व जाणवत नाही.याचा माझा एक अनुभव सांगतो....

मी अंदाजे..तीन वर्षांपूर्वी लासूर स्टेशन येथून गंगापूर येथे काहीतरी सरकारी कामानिमित्त दुचाकीवर चाललो होतो. शिरेगाव धरणाच्या कडेच्या रोडने माझ्या मागून महागडी चार चाकी गाडी आली अन् थोडीशी पुढे गेली..अन् थांबली..! मला वाटलं गाडीतील माणसांचं काहीतरी काम असेल म्हणून थांबले असेल.

पण..मी त्या थांबलेल्या चार चाकी गाडीला ओव्हरटेक करून पुढे गेलो तर..मला मागून आवाज आला...

" ओ...जाधव सर....!"

मी थांबलो व मागे वळून पाहिले तर संपत भाऊ शेठ होते.मी गाडी वळवून मागे आणली..अन् म्हणालो...

" वंदे मातरम्, शेठ..! "

संपत भाऊ शेठ- " काय जाधव सर, तुम्ही फेसबुकवर इतके भारी..भारी लेख लिहिता अन् खाद्य पदार्थ टाकतात..की...ते पाहून तुमच्या कडे जेवायला यावे वाटते, आणि तुमचे लेख मी आवर्जून वाचतो बरं का..!"

इतर अनौपचारिक गप्पा झाल्यावर आम्ही आमच्या मार्गाने मार्गस्थ झालो.

असो, आज दिनांक ५ नोव्हेंबर २०१८ रोजी आदरणीय संपत भाऊ शेठ यांचा जन्मदिन आहे.आयुष्याकडे अतिशय सकारात्मक व आनंददायी नजरेने पाहणाऱ्या चांगल्या व्यक्तिमत्त्वाला खूप खूप शुभेच्छा..!🌹🙏🏻

वंदे मातरम्..!

शूभचिंतक : नंदन शोभाबाई विष्णुपंत जाधव.©️

https://jadhavnandan.blogspot.com/?m=1

ता.क.: कृपया माझ्या या पोस्ट कडे राजकीय नजरेने पाहू नये ही नम्र अपेक्षा..! 🙏🏻

आयुष्यावर हसतमुखाने निव्वळ प्रेम करणारं व्यक्तिमत्त्व आदरणीय संपत भाऊ शेठ यांच्या विषयी मला जाणवलेल्या व प्रत्यक्ष अनुभवलेल्या भावूक भावनेच्या नजरेने पहावे.

दिनांक: ५ नोव्हेंबर २०१८