" विकृत सुशिक्षित माणसं..अन् त्यांचे ओंगळ प्रदर्शन..! "

                                                                           **चिंतन **

                                            " विकृत सुशिक्षित माणसं..अन् त्यांचे ओंगळ प्रदर्शन..! "
________________________________________________

 हल्ली काही बरीच " सुशिक्षित माणसं " आपला वाढदिवस साजरा करायचा म्हंटल्यावर स्वतच्या तोंडाला खायचा केक फासून आपल्या विकृत मानसिकतेचे ओंगळ प्रदर्शन करत असतात..! शेवटी केक सुध्दा अन्नच आहे..!ते खायचे सोडून वाढदिवस मूर्तीला व त्यांच्या आजूबाजूच्या अती उत्साही विकृत मानसिकतेचे ओंगळ प्रदर्शन करणाऱ्या माणसांच्या तोंडाला फासण्याचा विकृत प्रकार हल्ली प्रत्येक  " फक्त सुशिक्षित मंडळी " करताना आपण पाहत आहोत..!

जी विकृत माणसं तो केक खायचा सोडून तोंडाला बचाबचा चोपडून घेतात..एकतर अशांना अन्नाची किंमत माहीत नसते किंवा अशांनी गरिबी पाहिलेली नसते..! तोच तोंडाला चोपडून वाया जाणारा केक एखाद्या भुकेल्या माणसाला दिला किंवा उपस्थित माणसांनी खाल्ला तर त्या अन्नाची किंमत जानल्या सारखे होईल...! पण असे आजकालची सुशिक्षित मंडळी असे करतांना दिसत नाही हे फार मोठे दुर्दैव आहे..! पुन्हा हीच सुशिक्षित मंडळी शेतकरी दादाच्या नावाने बाजू घेऊन टाहो फोडीत असतात..!

केक हेही अन्नच आहे..शेतकरी दादाने पिकविलेल्या शेतातील..!मग त्या बळी राजाचा अपमान करण्याचा ह्या सुशिक्षित माणसांना काय अधिकार पोहचतो..? जन्मदिनी तोंडाला केक फसविण्याचा विकृत प्रकार कधीही अशिक्षित माणसं करताना आढळणार नाही..! बहुदा त्यांनाच त्या अन्नाची किंमत समजलेली आहे..!
मी वरील विषयाला नेहमी समाज व्यवस्थेत प्रबोधन म्हणून  व्यक्त करत आलेलो आहे..अन् करत राहणार..!

आशा करतो आपणही सर्व भली माणसं माझ्या या  जन्मदिनी तोंडाला केक न फासता तो खावा किंवा खाऊ घालावा या उपक्रमात सहभागी व्हाल..!

केक हे अन्न आहे,त्याची गरज कुणा भुकेल्या माणसांना नक्कीच आहे.पण आजही आपल्या समाजात काही अन्नाचा माज आलेले माजखोर या अन्नाला असे वाया घालवत आहेत..! असे करणाऱ्यांत सुशिक्षित माणसंच आहेत ..!
अरे, मुजोरानो, केक हे कुणाच्या तरी मुखी घाला..! तुम्हाला नाही खायचा तर नका खाऊ...! पण ज्याला त्याची गरज आहे त्या भुकेल्यांच्या मुखी घाला रे...शिकलेल्या सुशिक्षितांनो...!असे अन्न वाया घालवून ते अन्न पिकविणाऱ्या बळीराजाचा अपमान कृपया करू नका..सुशिक्षितांनो केक वाया घालवून वाढदिवसाला चेहऱ्याला फासवून..एक गरीब,माणूस कधीच असे घाणेरडे कृत्य करणार नाही..!

वाढदिवस साजरा करत असताना मुलांकडून,जर अशा चुका होत असतील तर त्यांना उपस्थित भल्या माणसांनी समजून सांगायला हवे...! माझा काय अन् दुसऱ्याचा काय मुलं आहेत...पहिल्यांदा चुकतीलच.! कारण आजकाल आसपासचा माहोल तसा आहे...!
पण त्यांच्या केक चेहऱ्याला फासविण्याच्या या ओंगळ प्रदर्शन असणाऱ्या वाईट सेलिब्रेशन बाबत समजावून सांगणे महत्त्वाचे आहे..!
कुणी समजावून सांगितलेच नाही तर
 " जन्मदिनाच्या रोजी चेहऱ्याला केक फासायचा असतो " अशा विकृत प्रथेला अजुन व्यापक स्वरूप लागेल..!

आपल्या भारतात वाईट प्रथांना कमतरता नाही.अजुन त्यात एक कायमस्वरूपी सामील होईल..!
हे जर टाळायचे असेल तर..
एकमेकांना सांगत चला..की,

" जन्मदिनाच्या दिवशी केक वाढदिवस मूर्तीच्या किंवा त्याच्या आसपासच्या माणसांच्या चेहऱ्याला न फासता , तो केक खा...! किंवा इतरांना खाऊ घाला..!

ता.क.: जन्मदिनी कृपया चेहऱ्याला केक फासवू नका..! आसपासचे कुणीतरी खा...किंवा गरजवंताला खायला द्या..!आपल्या आसपास खूप  खूप गरजवंत आहेत..!

वंदे मातरम्..!🇮🇳

लेखक :  नंदन शोभाबाई विष्णूपंत जाधव पालखेडवाले
https://jadhavnandan.blogspot.com/?m=1

दिनांक:२० सप्टेंबर २०१८