" ध्येयवेडा प्रिय अनिल पाटील वाणी..! "

आमचे गाव आमची माणसं

" ध्येयवेडा प्रिय अनिल पाटील वाणी..! "

=================================

भारतीय लोकशाहीच्या उज्वल परंपरेत अगदी गाव स्तरावरून ते थेट राष्ट्रीय स्तरापर्यंत अनेकानेक थोर  मोठ्या लोकांनी आपल्या कर्मातून समिधा अर्पण केलेल्या आहेत..! त्या अनेकानेक थोर मोठ्या काही  माणसांना  कुणाचे तरी पाठबळ मिळाले होते, तर काहींनी स्वकर्तुत्वाने आपले नाव इतिहासात अजरामर केलेले आहे..! राजकीय क्षेत्रात ज्यांना  कुणाला  राजकीय वारसा ,हा  त्यांच्या घराण्यातून मिळत आलेला असतो, अशांना याच क्षेत्रात कार्य कर्तृत्व सिद्ध करायला सोपे जाते..! कारण सगळ्याच प्रकारची सोय अशांच्या पूर्वजांनी अगोदरच करून ठेवलेली असते..!😊 त्याच वंश परंपरागत पद्धतीने मिळालेल्या राजकीय वारसा हक्काच्या बळावर कित्येकजण कुणी आपापल्या कर्तुत्वाला समाजाच्या समोर प्रस्तुत करत असतात...! मात्र ज्यांना असा कोणताही राजकीय वारसा,वंश परंपरागत पद्धतीने लाभलेला नसतो,अशी राजकीय माणसं जर, समाजात आपलं ,एक स्वतंत्र अस्तित्व निर्माण करत असतील,तर अशा मोजक्याच पण ग्रेट असणाऱ्या राजकीय माणसांना वंदन करावेच वाटते..!
कारण अशांच्या पूर्वजांनी , अशा माणसांसाठी सगळ्याच प्रकारची सोय अजिबात  करून ठेवलेली नसते..! अशा माणसांना,ज्यांना अजिबात राजकीय वारसा मिळालेला नसतो,त्यांना सगळं काही बे एक बे पासून सुरु करावे लागते..!

माझी जन्मभूमी पालखेड, ता. वैजापूर जि. औरंगाबाद येथील एक ध्येयवेडा तरुण याच अशा राजकीय लोकांच्या पंक्तीतील आहे,ज्यांना अजिबात राजकीय वारसा  आपल्या पूर्वजांकडून मिळालेला नाही..!या नवतरुण मित्राला देखील त्याच्या घराण्याकडून कोणताही राजकीय वारसा अजिबात लाभलेला नाही..! मात्र सगळं काही स्वतः च्या कार्य कर्तृत्वावर  या नवतरुण मित्राने राजकीय अन् सामाजिक क्षेत्रात स्वतचं स्थान निर्माण केले होते..! आमच्या पालखेड गावातील , सर्व सामान्य माणसात, मिसळणाऱ्या  असामान्य नवतरुणाचे नाव आहे अनिल गोरखनाथकाका पाटील वाणी..!

प्रिय अनिल....! ( सदरील फोटोत टी शर्ट घातलेला )

माझा खूप जिवलग बालमित्र डॉ.गणेश जगन्नाथ पा. वाणी याचा भाऊ..! अगदी नवतरुण राजकारण करणाऱ्या लोकांच्या वयोगटातील..! याचा स्वभाव खूप धडपड्या..!  दरवर्षी आमच्या पालखेड गावातील बळीराजाच्या बैल पोळा सणाच्या निमित्ताने गावातील सर्व शेतकऱ्यांच्या बैलांना स्व खर्चातून ,दुष्काळी भाग असूनही  अंघोळ घालणारा प्रिय अनिल..! आमच्या पालखेड गावाच्या कानाकोपऱ्यात महत्त्वाच्या ठिकाणी लोकांना बसण्यासाठी स्व खर्चातून सिमेंटचे बाकडे बसविणारा  प्रिय अनिल..! राजकीय व्यक्ती कमी पण सर्व सामान्य मित्र जाणवणारा प्रिय अनिल..! कार्तिकी यात्रेच्या निमित्ताने येणाऱ्या भाविकांना मोफत पाणी पुरविणारा प्रिय अनिल..! जो समाज आर्थिक,सामाजिक दृष्टया वंचित आहे,अशांच्या मदतीला धावून जाणारा प्रिय अनिल..!

प्रिय अनिल ,हा  मनाने हळवा देखील आहे अन् प्रत्यक्ष कृतीतून सामाजिक दायित्व निभावणारा देखील आहे..! याचे एक उदाहरण, अशा अनेकांच्या मुस्काडात सणसणीत चपराक आहे, जे मुलींना अतिशय तुच्छतेने लेखतात किंवा मुलीच्या जन्माने ज्यांच्या कपाळावर आढ्या पडतात..! आमच्या प्रिय अनिलने, आर्थिक परिस्थिती सर्व सामान्य असणाऱ्या कुटुंबातून एक मुलगी दत्तक घेतली आहे अन् त्याच कन्येचे ,हाच प्रिय अनिल स्वतच्या सख्ख्या मुलांच्या पेक्षाही एक बाप म्हणून खूप खूप लाड पुरवत आहे..! प्रिय अनिल याच्या या सामाजिक दायित्वाला त्रिवार वंदन..!🙏🙏🙏

गेल्या काही दिवसांपूर्वी याच प्रिय अनिलने,अजुन एक अचाट कार्य केले आहे..! आमच्या पालखेड गावाच्या पंचक्रोशीत ,आमचे पालखेड गाव एक मोठी व्यापारी पेठ आहे.त्यामुळे आसपासच्या परिसरातील माणसांची खरेदी विक्री साठी पालखेड गावात येणे जाणे नेहमी सुरू असते. आमचे पालखेड गाव ते बल्लाळी सागज‌ या दोन्ही गावाच्या दरम्यान लोकांना ये - जा करण्यासाठी जो रस्ता होता तो अतिशय खराब झालेला होता.प्रिय अनिलने स्वखर्चातून लाखो रुपये खर्च करून जवळ जवळ दोन किलोमीटर रस्ता मुरूम, माती टाकून शेतकऱ्यांना,इतर लोकांना येण्याजाण्यासाठी व्यवस्थित करून दिला आहे..! विशेष म्हणजे प्रिय अनिल हा,कोणत्याही लोकनियुक्त पदावर नाही किंवा नव्हता..! तरी देखील एक सामाजिक दायित्व म्हणून त्याचं कार्य खरंच कौतुकास्पद आहे..!
( सदरील कामाची व्हिडिओ लिंक https://m.youtube.com/watch?v=7kE_NuV24rY&feature=youtu.be                       )

प्रिय अनिलच्या या अतिशय उच्च कोटीच्या सामाजिक कार्याबद्दल त्याला पुनश्च एकदा त्रिवार वंदन..!🙏🙏🙏

आजही ,कुठेही प्रिय अनिल भेटला की,अतिशय नम्रपणे अन् आस्थेवाईकपणे चौकशी करतो..! विशेषकरून माझ्या तीर्थरूप वडिलांची..! माझ्या वडिलांचा हा प्रिय अनिल,खूप आवडता,त्यामुळे वडिलांनाही याच्या कार्य कर्तृत्वाचा नेहमी अभिमान वाटतो..!

प्रिय अनिल गोरखनाथकाका पाटील वाणी, आपणास आपल्या पालखेड गावचे ग्रामदैवत श्री.पारेश्वर महादेवाच्या कृपा आशीर्वादाने सुख समृद्धी लाभो हीच प्रार्थना..!

वंदे मातरम्..!

लेखक : नंदन शोभाबाई विष्णुपंत जाधव पालखेडवाले.

https://jadhavnandan.blogspot.com/?m=1

दिनांक : २४ मे २०२०, रविवार.